مصر يا حتة منى
ايش تطلبى يا نفس فوق كل دة
حظك بيضحك وانت متنكدة
ردت قالت لى النفس قول للبشر
ميبوصوليش بعيون حزينة كدة
يا نفس لية دايما مش عاجبك العجب
دايما حزينة وموهومة لو اللى جايلك دهب
اصحى يا نفسى وفوقى قبل ما يجى اليوم
الناس يجوا يشلوكى فى صندوق من الخشب
وعجبى
لية الواحد دايما مننا كدة ميحمدش ربنا على اللى هو فية دايما مضايق دايما مهموم دايما عاوز تانى وعاوز اكتر لية الواحد فينا ميقولش الحمد للة عاى اللى عندة لية الطمع لية بيبص لغيرة دايما وعاوز ياخد اللى عندة خلاص مبقاش فية قناعة بالموجود حتى لما بنيجى نحلم لو اتحققت احلامنا نتمنى حاجة اكتر لية دايما عيوننا حزينة كل الناس ماشية فى الشوارع مهمومة ومتنكدة وعيونها دبلانة وحزينة اة صحيح فى حاجات كتيرة تحزن فى البلد دى بس حنعمل اية لازم نعيش لية مش عاجبنا العجب يعنى نفضل كدة لغاية لما يوم يجر يوم وشهر يجى ورا شهر وسنة تزق سنة لغاية لما نلاقى نفسنا موتنا ومتمتعناش بالدنيا لية الهم والحزن و الملل بقى مسيطر على حياتنا لية الحياة بقت روتين ومبقتش تلذلية منخليش ايامنا على المولاة على راى الملك محمد منير لية دايما بنفكر فى بكرة ولسة انهاردة مبتداش لية دايما نفكر فى المادة والفلوس وازاى نعملهم اكتر
العمر قصير اوى يا ريت نستفيدمنة ونتمتع بية مش نرمية
لية ماتت جوانا كل الحاجات الحلوة لدرجة اننا مبقناش نحس بالسعادة حتى لو كانت فى ادينا وادام عنيننا او حتى جوانا لية لازم نفضل خايفيين ونتوقع الاسوا لية كل التشاؤم داة
يا ريت نتغير ونروق كدة علشان نقدر نروق البلد دى ونروق كمان اللى بيخربوها وحيعدوا على تلها
posted by ruby @ 11:28 AM
9 Comments:
hi i m so glad i m the first one who leave a comment on this great post
شكرا انك لسه متفائلة
شكرا انك لسه بتحب تفرحي
شكرا علي الرؤية العامة للناس
مش عارفة ارد اقول اية بعد كلامك اللى زى العسل داة اشكرك واتمنى دايما انك تكونى اول من يعلق على مدوناتى
احترامى لك
واشكرك
السرعة و الطمع صاروا اكبر من القناعة
مو من السهل ان الواحد ما ينظر لغيره و يقارن .. القوي بس هو اللي يقاوم اغراءات الحياة الاستهلاكية اللي داير ما دايرنا
Nice Post.
لما بطـّلنا نعرف أزاى نحب بعض
لما نسينا أن فيه سما و أرض
كرهنا يومنا و عشيتنا و الناس و نفسينا
علشان الحب أحساس جميل بالرضا، مش فرض
و عجبى
القناعة شيء والطموح شيء ولا تعارض بينهما فممكن أكون قنوع وباحمد ربنا بس لازم يكون فيه طموح انني أكون أفضل وأخلق مستقيل افضل ليا ولمن بعدي لذلك كان الطموح ضرورة بل اني أراه فرض وواجب علي كل شخص يحب هذه الحياة لأن الرضا بالواقع هو بداية الموت الحقيقي للانسان فالطبيعة تقول انه دائما هناك أفضل والمفروض ان يسعي الانسان للافضل ولكن ليس علي حساب افناء حياته هباء لكن لو حياته راحت وهو بيحاول يصنع مستقبل أفضل له ولولاده ولبلده يبقي مارحتش هدر ويكفيه شرف المحاولة
ربنا يسهل لعبيده
زي ما قال عم الدكتور و تعقيبا على كلامه
من كانت الدنيا أكبر همه فسيصبح فقره بين عينيه
خليكي متفائلة
و مش مهم نموت إزاي
نتحرق ف قطر...قطر الصعيد
و لا نتقطع ..قطر كفر الدوار
و لا نتحرق ف مركب أو حتى نغرق...العبارة
و لا حتى نموت ف أي حادثة سير..كل أنحاء الجمهورية
ولا حتى نموت ف قسم و لا ...و لا
ولا حتى نموت على سريرنا
المهم ما نعيشش للموت
نعيش للي بعد الموت
و ربنا يرضى عننا جميعا
ولا يؤاخذنا بما فعله السفهاء منا فينا
:0)
لن تملك اى شىء حتى تفقد الرغبة فية
والحاجة الية
منتهى الاحباط
الواحد بيضيع نص عمره نوم و20% من عمره في الحمام والشرب والاكل يتبقي كام
روبي
يعني إنتي زعلانة إن كل الناس مكشرة ومتضايقة ووجها عبوس
طب بزمتك وإنتي بتكتبي البوست ده كان شكللك إيه
أقصد أقول إن الفرح والسعادة والضيق والقرف مشاعر فيها جزء معدي .. ينقل للي جنبه الإحساس ده
يعني لو رحتي سفاجا مش هاتبطلي عياط وتكرهي عيشتك ومصر .. ولو رحتي باليل الإستاد مش هاتبطلي تنطيط ويجيللك إحساس إنك عايزة تبوسي كل الموجوديين وإنك بتحبي مصر
أقصد اقول إن جزء كبير فى حل الموضوع فينا إحنا اللي نقدر ننقل صورة السعادة وصورة الغم
وإحنا فعلا بقينا بنعشق الغم والنكد
Post a Comment
<< Home