شمس المغيب

2009-10-03T01:14:00.000-07:00

فجاة بصيت ولقيت كل الناس بتحمل عفشها وعيالها فى العربيات
الطير والماشية والنورج
حتى الباب خلعوة م الكعب
ولا حدش منهم خد بالة من الكلب
وقبل ما يتعاتبة مع الناس ع الخدمة طول العمر
كانوا الناس مشيوا
مع ان الكلب من الاول
رتب نفسة على انة يعيش للناس
اذا شاف واحد او حتى خيالات
اذا فات انسان او حتى ما فات
ينبح لما يتقطع الصوت
وتتمزع منة خيوط القلب
يعوى ع السطح وقدام الباب
واخر الليل يرموا لة اللقمة والا العضمات
اكتر شىء فى الدنيا منتمى للانسان
هو داة الكلب
شعر : عبد الرحمن الابنودى

2006-04-23T12:42:00.000-07:00

فيروس الفتن الطائفية
فعلا هذا احسن تعبير وجدتة لكى اصف بة ما يجرى الان فى الوطن العربة وخاصة فى مصر
ماذا يحدث لنا؟ ماذا يحدث هنا؟
انا اعترف ان هذة الفتن الطائفية لم تظهر الان او من كام سنة بل هى بيننا من سنيين بل من قرون
ولكن الذى نراة الان فى بلادنا او حتى فى البلاد الاخرى هذا عبارة عن تخلف وجهل بكل ما تحملة الكلمات من معانى حتى هذا التطرف ليس لة اى اهداف
ما الذى استفادة الذى فعل فعلتة الاخيرة بالكنائس فى الاسكندرية؟
هو احرقها ليس هى فقط بل احرق معها بلد باكملها وقلوب لا ذنب لها سواء اقباط او مسلميين فهذا هو التخلف والجهل بعينة او غزو بكل معانية ولكن اقول ان الغلط ليس غلط هؤلاء المتخلفين بل الغزاة وهؤلاء الغزاة لم يفلحوا فى استراجيتهم هذة الا اذا وجدوا متخلفين مثل هؤلاء لمساعداتهم على ذلك وتجد رياح سامة تنقلها الى عقول ووجدان ابناء هذا الوطن الذى ضاع على ايدى هؤلاء الكفرة المتخلفين والمعقدين واللى دماغهم فاضية ويا ريت هؤلاء عندهم عقيدة يؤمنون بها ولذلك يدافعون عنها ويفعلون ما يفعلونة لنصرتها للاسف لا
بل على العكس هم يفعلونما يملى عليهم فقط وذلك لدماغهم الفاضى
ويا ماساتاةةةةة

2006-02-27T13:20:00.000-08:00

متى يعلنون وفاة العرب؟
واللة هو داة اللى ناقص كل يوم فى حال اسوا من اللى قبلة مفيش حاجة تفرح فلقد اتهمنى احد المدونيين اننى متفائلة زيادة عن اللزوم وشكلة كدة اقر علية وبصراحة اكتئبت من كتر اللى بسمعة واسمعة من ياس وفقر وضلالة وفقد للامل من كل الشباب فحتى الشباب فقد شبابة فلا يعيشة والناس بقيت ارواحها شريرة زيادة عن اللزوم فلقيت نفسى اتعديت منهم وبقيت بكتب بمنتهى الاكتئاب انا حاولت انى الاقى موضوع اكتب فية بتفاؤل ملقيتش لقيت كل اللى حولية من موضوع العبارة لموضوع اساءة الرسول علية الصلاة والسلام لموضوع اغتيال اطوار بهجت وغيرهافمين لة نفس يتفائل وسط هذا الهجوم الغير طبيعى على البلد والشعب والناس
يا ترى فين الغلط؟
ومين المتسسب فية؟
فغمضت عينى وحاولت ارسم صورة للبلد اللى نفسى اعيش فيها لقيها من عاشر المستحيلات انها تبقى فلى يوم من الايام على ارض الواقع
انا نفسى فى شعب مسالم ورقيق وحساس طيب لا يوجد فية مكان للشر يكون طفولى بطبعة احاول رسم بلاد واسميها بلاد العرب تصفح عند الخطا وتكافى عندما نستحق المكافاة ذلك تكون مدينة للحب للسلام محررة من جميع القيود والعقد
فمن ينقذ الانسان؟؟؟؟؟؟؟
ساستعير اغنية من اشعار الشاعر الكبير نزار قبانى
ومن غناء دوتيو للجميلين كاظم ولطيفة
بكيت حتى انتهت الدموع
حتى ذابت الشموع
يا قدس يا مدينة الاحزان
من ينقذ الانسان
من يوقف العدوان
يا قدس ان الموت بيننا موزع
كل اطفال العرب يردمون
فى مقبرة واحدة
بعضهم يدفن فى الجنوب من لبنان
وبعضهم يرقد تحت هضبة الجولان
وبعضهم تاكلهم الاسماك فى دجلة والفرات
وبعضهم محاصر فى ليبيا
بالجوع والاحزان
من ينقذ الانسان؟؟؟؟
من ينقذ الانسان؟؟؟
والظاهر نزار كان ناسى يذكر مصر فى قصيدتة الرائعة هذة
فلية يا مصر الغلب محيط

2006-02-12T09:48:00.000-08:00

HAPPY VALENTINE DAY
Love found a way
Love openend wide the gates of light to heavn`s domain where in eternal power and might jesus shall reign love lifted me frome depths of woe to endless day
there was no help in earth below love fouend away
love sent my lord to the cross of shame love found a way opraise his holy name
i have a special place deep within my heart it`s not very big but it`s the most important part.
with all my love.

2006-02-10T11:36:00.000-08:00

مبروك يا مصر
ان اللة لا يضيع اجر من احسن عملا
بفضل اللة اولا ثم تعب الرجالة دى اللى اتعصروا بصراحة فى الناتش داة
بقول الف مبروك يا مصر
انصرنا يا رب دايما
مبروك للشعب المصرى

2006-02-03T11:28:00.000-08:00

مصر يا حتة منى
ايش تطلبى يا نفس فوق كل دة
حظك بيضحك وانت متنكدة
ردت قالت لى النفس قول للبشر
ميبوصوليش بعيون حزينة كدة
يا نفس لية دايما مش عاجبك العجب
دايما حزينة وموهومة لو اللى جايلك دهب
اصحى يا نفسى وفوقى قبل ما يجى اليوم
الناس يجوا يشلوكى فى صندوق من الخشب
وعجبى
لية الواحد دايما مننا كدة ميحمدش ربنا على اللى هو فية دايما مضايق دايما مهموم دايما عاوز تانى وعاوز اكتر لية الواحد فينا ميقولش الحمد للة عاى اللى عندة لية الطمع لية بيبص لغيرة دايما وعاوز ياخد اللى عندة خلاص مبقاش فية قناعة بالموجود حتى لما بنيجى نحلم لو اتحققت احلامنا نتمنى حاجة اكتر لية دايما عيوننا حزينة كل الناس ماشية فى الشوارع مهمومة ومتنكدة وعيونها دبلانة وحزينة اة صحيح فى حاجات كتيرة تحزن فى البلد دى بس حنعمل اية لازم نعيش لية مش عاجبنا العجب يعنى نفضل كدة لغاية لما يوم يجر يوم وشهر يجى ورا شهر وسنة تزق سنة لغاية لما نلاقى نفسنا موتنا ومتمتعناش بالدنيا لية الهم والحزن و الملل بقى مسيطر على حياتنا لية الحياة بقت روتين ومبقتش تلذلية منخليش ايامنا على المولاة على راى الملك محمد منير لية دايما بنفكر فى بكرة ولسة انهاردة مبتداش لية دايما نفكر فى المادة والفلوس وازاى نعملهم اكتر
العمر قصير اوى يا ريت نستفيدمنة ونتمتع بية مش نرمية
لية ماتت جوانا كل الحاجات الحلوة لدرجة اننا مبقناش نحس بالسعادة حتى لو كانت فى ادينا وادام عنيننا او حتى جوانا لية لازم نفضل خايفيين ونتوقع الاسوا لية كل التشاؤم داة
يا ريت نتغير ونروق كدة علشان نقدر نروق البلد دى ونروق كمان اللى بيخربوها وحيعدوا على تلها

2006-01-27T06:13:00.004-08:00

ذكريات فى قلبى
كنت جالسة وحدى على الاريكة وانظر من نافذة غرفتى على منظر المطر و هو يهطل من السماء بغزارة وكانت السماء تغيم بالسحب السوداء فى الافاق البعيدة الرمادية المضببة وكان قلبى يرتجف ولكن ليس من الصقيع الذى كنت اشعر بة ولكن من الذكريات التى قفزت الى اذهانى فى تلك اللحظة فانا فى نظرى ان هذا المشهد غاية فى الرومانسية او كانى داخل لوحة جميلة فجعلنى ذلك ارجع الى الوراء واتذكر ذكرياتى الجميلة اوى مع حبيب العمر ولم اعرف لماذا قفزت هذة الكلمات الى فدعنى اكتب لك بعضا منها
سلقول لك احبك
فانا لا اكتمل الا بك
ساقول لك احبك
وانا لن ارسو على شاطى غير شاطئك
ساقول لك احبك
حين تنتهى كل لغات العشق القديمة
ساقول لك احبك عندما استعيد زكريات الزمن الجميلعلى شواطى البحر
ساقول لك احبك
عندما اشعر انى احتاج اليك
ساقول لك احبك دائما
وعندما اتوقف عن قولها
فاكون حينئذ قد مت
واخيرا اقول لك
احبك يا حبيب العمر
حتى ينتهى العمر

2006-01-15T08:41:00.000-08:00

الحب و الخيانة
متى يخون الرجل لما يلعب بديلة لمايطارد النساء لما يكدب ولا لما يتلهف على اى واحدة غير مراتة؟
ومتى تخون المراة عندما تمنح روحها وجسدها الى غيرة وعلى فكرة مش شرط ان الجديد يكون اكثر منة وسامة او اقل او اكثر منة مالا او اقل ولكنة فى جميع الاحوال بئر اكاذيب
للاسف انى اقول ان الحب لا يقى من الخيانة انا طبعا كنت ضد المقولة دى اول ما قراتها فى كتاب ولكن بعد ما خلصتة اقتنعت فعلا ان الحب لا يقى من الخيانة وهى جملة عجبتنى اوى لانى كنت بفتكر ان الحب هو المضاد الحيوى للخيانة ولكن للاسف اكتشفت ان بعض مفاهيمى عن الحب اتغيرت بعض الشى
فالرجل اللى بحسب ان حب مراتة لة هو جهاز المناعة ضد الخيانة معلش هو راجل يستحق الخيانة وكمان نايم على ودانة والمراة اللى بتحسب ان الوش البرى اللى بيسيل حبا وحنانا هو وجة التقا والبردى بقى اكتر واحدة معرضة للغدر والخيانة فالاسف الحب وحدة لا يقى من الوقوع فى بئر الخيانة ربما يقلل نسبة الاحتمالات ولكن لا يقى من الخيانة مش لازم كل طرف يطمن اوى للطرف الاخر
فلماذا يخون الرجل؟ لما يمل ولا لما تبقى الزوجة بقت صحراء جرداء يعنى اصبحت غير قادرة على اعطاء الخب والحنان والكلمة الحلوة؟
او ربما يذهبالرجل الى امراة احرى لانها عرفت تقراة ووجد منها الغواية والغريب ان كل الرجالة بيوفقوا انهم يضحك عليهم
فلماذا عندما تخون المراة تعتبر خائنة بينما فى المقابل لما بيخون الرجل لا تعتبر خيانة بل غلطة ولازم للمراة انها تسامحة لكن هو لالالالالالالالالالالالالا طبعا فخيانة الراجل تعتبر نزوة لكن عندما تخون المراة تعتبر فاجرة مع ان هنا الخيانة واحدة لكن النفاق هنا غريب وكمان عدم المساواة فالمراة مستعدة تسامحة لو خانها بينما هو فى المقابل يكون يكون مستعد لطلاقها لو هى اللى خانتة
مفهوم غريب لمجتمع منافق وعجيب والغريبة ان احنا ساعتها مش بنفكر بدماغنا لكن بنعمل اية؟
بنفذ كل قواعد المجتمع بحزافيرة بس بروتينية عجيبة واحنا مغمضييييييييييين
وعجبى على هذا الزمن والزمن الاسود اللى جاى
وعلى راى عمنا الجميل صلاح جاهين
يا عندليب ما تخفش من غنوتك
قول شكوتك واحكى على بلوتك
الغنوة مش ح تموتك انما كتم الغنا
هو اللى ح يموتك
عجبى

2006-01-06T08:50:00.000-08:00

نهر الحب
يالة من فيلم رومانسى جميل وعميق ولة معنى مختلف عن مفاهيم الحب الاخرى وايضا عن باقى الافلام الرومانسيةالتى
شاهدتها كما ان فية احساس بالفن كبير جدا ففى راى انة لاقيمة لفن لا يحدث ارتجاجا فى القشرة الارضية ولا قيمة لكلمة لا تشعل الحرائق فى الوجدان العام فاكيد من المفترض ان نرفع القبعة لمثل هذة الافلام الرومانسية الجميلة اماالان فانا لا اجد غير حصان واحد نمطية جميعا سواء فى الفن او فى الحياة الا وهو الغضب والعنف ولكن اين يبدا حدود هذا الغضب واين ينتهى؟ لا نعرف
انا عارفة انى بتكلم عن الحب من منظور مختلف عن الاخرين يمكن داة راجع لطبيعتى التى تميل الى عدم الاخذ بما يؤخذ بة الناس جميعا من اوضاع هربا من الوقوع فى الابتذال وشغفا جنونيا بالتمييز و الاغتراب
فالحب من وجهة نظرى ياخذ كل يوم شكلا جديدا وحجما جديدا وهو على فكرة مادة سريعة التحول فعشقنا اليوم لا يشبهة عشقنا البارحة فلابد ان يكون للحب مواد اولية ذى اى حاجة فى الدنيا فمثلا احنا لا يمكننا ان نشتغل بدون مواد اولية ذى المهندس مينفعش يشتغل من غير طوب فالمادة الاولية شى اساسى فى كل انتاج يدوى او ذهنى
فيا ريت نتعامل مع الحب اظرف من كدة شوية لانى الحقيقة ساعات اقرا بعض المقالات فى البلوجز تغيظ اوى ومش عارفة لية ساعتها يتملكنى شعور بانى ساكنة فى بيت مش مريح
ففى النهاية لا غالب الا الحب
برغم ما يثور فى عينى من زوابع
ورغم ما ينام فى عينيك من احزان
برغم عصر يطلق النار على الجمال حيث كان
والراى حيث كان
اقول: لا غالب الا الحب
لا غالب الا الحب

2005-12-29T10:52:00.000-08:00

يا مرحب بالشتا
اتاخرت علينا بس المهم انك جيت انا بحب الشتا اوى علشان بيفكرنى بحاجات حلوة اوى عمرى ما انساها وغالبا

الحاجات الحلوة بتحصل فى الشتا يا ريت السنة كلها تبقى شتا اصل انا بنتمى لحزب المطر على راى عمنا الكبير نزار قبانى لما قال
انا لا اسكن فى اى مكان
ان عنوانى هو الامنتظر
مبحرا كالسمكالوحشى فى هذا المدى
فى دمى نار وفى عينى شرر
ذاهبا ابحث عن حرية الريح
التى يتقنها كل الغجر
راكضا خلف غمام اخضر
شاربا بالعين الاف الصور
ذاهبا حتى نهايات السفر
مبحرا نحو فضاء اخر
نافضا عنى الغبار
ناسيا اسمى
واسماء النباتات
وتاريخ الشجر
هاربا من هذة الشمس التى تجلدنى
بكرابيج الضجر
هاربا من مدن نامت قرونا
تحت اقدام القمر
تاركا خلفى عيونا من زجاج وسماء من حجر
ومضافات تميم ومضر
لا تقولى عد الى الشمس فانى انتمى الى حزب المطر